CREANDO CONTOS NO MES DE ABRIL

DURANTE O MES DE ABRIL O ALUMNADO DE 4 E 5 ANOS LEU O CONTO TURTUTUTÚ DE HERVÉ TULLET. GUSTOULLES TANTO QUE COMEZARON A PENSAR EN POSIBLES AVENTURAS E ASÍ FOI COMO NACERON DOUS CONTOS, SON CONTOS COLABORATIVOS ELABORADOS CON IDEAS DO ALUMNADO DOS GRUPOS A E B PARA CELEBRAR O DÍA DO LIBRO. TRÁTASE DUNHA LECTURA DIVERTIDA E INTERACTIVA. EMPREGAMOS UNHA APLICACIÓN MOI SINXELA COÑECIDA COMO: MY STORY BOOK. BOTÁDELLE UN OLLO. XA NOS CONTAREDES SE VOS DIVERTISTES TANTO COMA NÓS!

REDUCIR-REUTILIZAR-RECICLAR

ESTE TRIMESTRE ESTAMOS MOI CONCIENCIADOS COS PROBLEMAS DO CAMBIO CLIMÁTICO E DESENVOLVEMOS ALGUNHAS ACCIÓNS E ACTIVIDADES SEGUINDO O PRINCIPIO DOS TRES ERRES: REDUCIR-REUTILIZAR-RECICLAR. SEGUINDO ESTÁ FÓRMULA DESENVOLVÉRONSE ESTAS ACTIVIDADES:

EXPOSICIÓN DE MÁQUINAS SIMPLES: O ALUMNADO DE 3º EN COLABORACIÓN COAS SÚAS FAMILIAS ELABOROU CON MATERIAL DE REFUGALLO, REUTILIZANDO E REDUCINDO RESIDUOS, MÁQUINAS SIMPLES PARA ESTÁ MAGNÍFICA EXPOSICIÓN.

RECICLAMOS OS RESIDUOS: DISPUXEMOS CONTEDORES NALGUNHAS AULAS PARA CLASIFICAR OS RESIDUOS DA AULA E CONCIENCIAR AO ALUMNADO. 

RECICLAMOS O LIXO CON BLUE-BOT: O ALUMNADO DE 4 E 5 ANOS PROGRAMOU A BLUE-BOT PARA LEVAR O LIXO AOS CONTEDORES CORRESPONDENTES.

PREME NA IMAXE PARA VER MÁIS FOTOS

OBRADOIRO DE PERCUSIÓN CON MATERIAL DE REFUGALLO CO ALUMNADO DE 5º E 6º DE PRIMARIA.

OBRADOIRO PLÁSTICOS FÓRA  REALIZADO  PARA O ALUMNADO DE INFANTIL E 1º DE PRIMARIA. ANTÓN K SENSIBILIZOU AO ALUMNADO SOBRE A REUTILIZACIÓN DE RESIDUOS E A RECICLAXE NOS CONTEDORES: PAPEL, VIDRO, PLÁSTICOS, ORGÁNICOS E O RESTO.

PROGRAMAMOS COS ORDENADORES EN MBLOCK

SUPERADOS OS RETOS DAS TABLETS, DAMOS UN PASO MÁIS E COMEZAMOS A PROGRAMAR COS NOSOS PROPIOS EQUIPOS A TRAVÉS DO PROGRAMA MBLOCK. NESTA OCASIÓN OS RETOS ENCADEADOS ESTÁN NA AULA VIRTUAL. NON PODEMOS PASAR AO SEGUINTE SEN SUPERALO!! 

ROBÓTICA CON BEE-BOT NAS TABLETS

O ALUMNADO DE 4 E 5 ANOS COA CHEGADA DA PRIMAVERA , DAS FLORES E DAS ABELLAS COMEZOU A PROGRAMAR NAS TABLETS PARA LEVAR A BEE ÁS FLORES PARA RECOLLER O POLEN.

PREME NA IMAXE PARA VER MÁIS FOTOS

VISITA DE JORGE COSTAS

 TIVEMOS O PRACER DE RECIBIR NO CENTRO PARA REMATAR O TRABALLO SOBRE O CAMBIO CLIMÁTICO  A JORGE COSTAS, PRODUTOR DE ANIMACIÓN 3D. VISITOU ALGUNHAS DAS AULAS  PARA FALAR SOBRE  A SÚA CURTOMETRAXE "EFECTO PO2", ALGUNHAS DAS SÚAS PRODUCIÓNS MÁIS RECOÑECIDAS E PREGUNTAS QUE O ALUMNADO XA TIÑA PREPARADAS. O ALUMNADO DE 3º, 5º E 6º ESTIVO MOI ILUSIONADO PORQUE ESTABAN A EXPERIMENTAR A ANIMACIÓN COA "PROGRAMACIÓN SCRACH" E JORGE É UN XENIO E REFERENTE DA ANIMACIÓN.

SALÓN DO LIBRO: SALVEMOS O PLANETA

 PARTICIPAMOS NA XXII EDICIÓN DO SALÓN DO LIBRO INFANTIL E XUVENIL DE PONTEVEDRA, PRESENTAMOS O NOSO TRABALLO EN FORMATO DIXITAL ARREDOR DA TEMÁTICA DO CAMBIO CLIMÁTICO E O LEMA DO SALÓN "EMERXENCIA LITERARIA:OS LIBROS SALVAN O PLANETA". BOTÁDELLE UNHA OLLADA E VEREDES CANTAS EXPERIENCIAS REALIZAMOS!!